Kryeministri i Kosovës, Albin Kurti sot është kritikuar për deklaratën e tij për shkëmbim letrash mes ish-Kryeministrit të Kosovës, Hashim Thaçi me ish-sekretarin e NATO-s, Andres Fogh Rasmussen rreth FSK-së në veri të vendit.
Por krahë Kurtit ka dalë, kryetarja e Kuvendit të Kosovës, Vjosa Osmani, shkruan arbresh.info.
Ajo përmes një statusi në facebook ka shkruar se Kurti përmes letrave ka sjellë në vëmendje të Kuvendit këtë shkëmbim letrash. Osmani ka bërë të ditur gjithashtu se u ka përcjellë deputetëve letrën e Kurtit, shkëmbimin e letrave të vitit 2013 ndërmjet Thaçit e Rassmuse, dhe opinionin ligjor të zyrës së kryeministrit.
“Kryeministri i Republikës së Kosovës, z. Albin Kurti, nëpërmjet një letre, ka sjellë në vëmendje të Kuvendit një shkëmbim letrash të datës 19 prill 2013 ndërmjet ish-Kryeministrit të Kosovës, Hashim Thaçi me ish-sekretarin e NATO-s, Andres Fogh Rasmussen.
Meqë në letrën e tij, Kryeministri i vendit e nënvizon rëndësinë e informimit të të gjithë deputetëve të Kuvendit lidhur me këto dokumente dhe asnjëra nga to nuk janë cilësuar si të klasifikuara sipas ligjeve në fuqi, ju kam përcjellë deputetëve të plotë letrën e Kryeministrit Kurti, shkëmbimin e letrave të vitit 2013 ndërmjet Kryeministrit të atëhershëm z. Thaçi dhe sekretarit të Përgjithshëm të NATO-s, z. Rassmusen, si dhe Opinionin ligjor të Zyrës së Kryeministrit mbi këtë shkëmbim letrash.
Respektimi i Kushtetutës së Kosovës është obligim i të gjithëve, siç është edhe ruajtja dhe kultivimi i partneritetit me partnerët tanë strategjikë. Në takimin e sotëm me komandantin e KFOR-it, kam vlerësuar kontributin e kësaj force dhe të NATO-s në 20-vjet të angazhimit të saj për një Kosovë të sigurt dhe e kam siguruar që mbesim të përkushtuar për një bashkëpunim të thellë. Anëtarësimi i Kosovës në NATO është interes i yni shtetëror. Kërkesat që secili institucion në Kosovë të respektojë Kushtetutën dhe procedurat kushtetuese nuk do të duhej të keqinterpretoheshin si sulm apo kontestim ndaj NATO-s, por përkundrazi, si avansim të demokracisë e transparencës dhe respektimit të ligjit e kushtetutës në vend”./arbresh.info
Buzhala tregon për çka është folur në përgjimet e pa publiku...
Rezi ia thotë në sy Gresës: Të vjen era e keqe dhe liron gaz...
Shkaktarët e anemisë – gjakderdhja dhe ushqimi i varfër
Këndimi e redukton stresin, i pastron sinuset dhe ju ndihmon...
Hasani në OKB: Shqipëria, hapa të rëndësishëm në fushën e ba...
Trump thotë se nëse vjen në pushtet do ta shkarkonte Jack Sm...